Cataluña prohíbe les corríes de toros a partir del 2012

Publicado el 28-07-2010

El Parlamentu de Cataluña decidió prohibir la celebración de corríes de toros nesti territoriu a partir del 2012, nuna axustada votación na que los diputaos de CiU y PSC entornaron la balanza a favor de les tesis animalistes, apoyaes por ERC y ICV y refugaes por PP y C's. Votaron a favor de la prohibición 68 diputaos, 55 en contra y 9 astenciones Tres meses de discutinios ente detractores y aficionaos a la fiesta, el Parlament pronuncióse esti miércoles sobre la Iniciativa Lexislativa Popular (ILP) apoyada por 180.000 ciudadanos. Trátase de la segunda autonomía --dempués de Canaries-- qu'acuerda la prohibición de los toros nel so territoriu, alegando motivos de defensa de los animales y faciendo usu de les sos competencies en materia de festexos.

Na práctica, la decisión política conllevará la desapaición nun añu y mediu de la única plaza de la comunidá: La Monumental de Barcelona, per onde desfilaron últimamente figures como José Tomás. Sicasí, caltiénense los 'correbous' y 'correllaç', la suelta de toros y 'vaquilles' en fiestes de poblaciones del sur de Tarragona, que nun impliquen la muerte del animal.