El Gobiernu, dispuestu a aprobar en solitario la reforma llaboral

Publicado el 30-07-2010

El vicepresidente terceru del Gobiernu y ministru de Política Territorial, Manuel Chaves, señaló que l'Executivu trabaya pa llograr el mayor consensu posible nel Congresu sobre la reforma llaboral, pero alvirtió de que si a lo último tien qu'aprobala en solitario va facelo por responsabilidá.

En rueda prensa, Chaves afaló a esperar a qu'acaben los trabayos de la comisión encargada del asuntu pero defendió que "naide pue negar l'esfuerzu" del Gobiernu y el PSOE nel Congresu pa llograr una reforma consensuada y apoyada por dellos grupos parlamentarios.

Según sorrayó, lo importante ye que la reforma salga alantre pa poder meyorar la productividá de la economía española y resolver "el problema del mercáu llaboral" y la dualidá ente contratos estables y temporales o precarios.

"Nosotros asumimos la nuesa responsabilidá como Gobiernu, pensamos que la reforma llaboral ye necesaria, vamos buscar l'apoyu y si a a lo último tenemos que sacala solos vamos facelo porque somos un Gobiernu responsable", calcó.